韓國「新國民女團」TWICE自出道後就工作量不斷，繼今年2月、5月分別推出歌曲《KNOCK KNOCK》及《SIGNAL》後，TWICE就發展日本市場，相當忙碌。

不過TWICE依然冇得抖，事關今日就有消息指TWICE今日凌晨喺加拿大拍攝新歌MV，所以外界都推測TWICE今年內會出新碟並三度回歸樂壇，9位成員被網民捕獲喺街上又唱又跳，令新造型、新歌及舞蹈曝光。TWICE所屬嘅JYP事務所亦確定消息，指TWICE目前正喺加拿大，但回歸日期尚未落實。

另外，TWICE代言嘅服裝品牌近日亦公開咗9位成員嘅新相。