【中佬唔易做】艾威做油站職員網民勁期待 減肥成功獲廠商邀拍廣告
蘋果日報 2020/06/16 16:40
吳卓羲艾威中佬唔易做
艾威今日現身商台接受訪問，提到有份演出的ViuTV節目《中佬唔易做》即將播出他的部份，節目中擔任油站服務員的他表示，今次是一個很好和有趣的體驗。
今日見艾威身型清減了不少，他透露正嘗試蒟蒻減肥法，他說：「我早餐食麥皮，午餐就食得好豐富，到夜晚就淨係食蒟蒻飲紅酒，因為如果晚餐食太多唔夠郁動好易積聚脂肪，呢個方法我試咗一個星期，減咗五、六磅。」
艾威更透露剛剛有公司邀請拍健康飲食廣告，明天開始試一個為期十天的健康餐單，他說：「係地中海食材，我本身有血壓高，佢哋話呢個餐單好適合有三高人士。」
另外，吳卓羲今日到商台宣傳正播出的大台劇，他表示劇集即將大結局，並透露劇集會再添食：「原本計劃3、4月開，但係因疫情關係依家7月頭會開工。」又透露新劇將增加多位新演員：「有幾位視帝會加入，包括郭晉安，仲有好幾位女演員，我都未合作過嘅。」
提到好友黃宗澤（Bosco）早前被傳跟余香凝的緋聞，吳卓羲表示：「我有睇到報道，見到Bosco都有回應，佢講乜我都信㗎啦。」另外，對於馬國明和湯洛雯的戀情曝光，吳卓羲向馬明送上祝福：「恭喜佢呀，識佢咁多年，替佢開心。」
採訪、攝影：曹家誠
-----------------------------
艾威表示拍攝《中佬唔易做》是一個很好和有趣的體驗。
吳卓羲今日到商台宣傳正播出的大台劇。
對於馬國明和湯洛雯的戀情曝光，吳卓羲向馬明送上祝福。