大熱泰片《大佬可以退貨嗎?》於泰國勁受歡迎，於當地嘅票房一個禮拜就贏咗《出貓特攻隊》。日前戲中主角Sunny就連同女配角Ploymon來港宣傳，二人大曬廣東話。Sunny於宣傳期間多次提起自己睇香港電影大，仲話最愛嘅就係《無間道》：「即使其他地方有翻拍版本，亦沒有香港拍出的味道。」Sunny與Ploymon即使已經第三次到港，但工作就係第一次，雖然因為在港宣傳緊密，未有時間去觀光，但二人不約而同表示，最想去唔同電影場景影相同扮演電影角色。首映結束後，Sunny與Ploymon齊齊打邊爐，仲話最愛麻辣湯底。性格一向古靈精怪嘅Sunny，仲突然覺得餐廳有《花樣年華》感覺，加上二人一身服裝，Sunny立即梁朝偉上身，話要向香港電影致敬！電影將於本月21號上映。

精選娛聞，喺晒《娛果》
http://fb.com/appledailyent