地產多聲道：
趙國雄大談買黑超心得
蘋果日報 2003/03/03 00:00
長實趙國雄噚日一如以往戴住黑超現身畢架山一號售樓處，而且心情大好，同蘭西大講買太陽眼鏡要訣，話最緊要睇眼鏡拗邊，佢最近就喺杜拜買咗副由美國影星布斯韋理斯做代言人嘅太陽眼鏡，又透露自己收藏超過五十副太陽眼鏡，原來佢除咗係毛主席fans，重係太陽眼鏡迷！
佢噚日一反常態唔講毛語錄，大讚畢山啱啱出街嘅廣告。打算攞去參加十大電視廣告比賽㖭，重寄以厚望，話一定攞獎喎！咁大期望，皆因取景歐洲，一大班軍官貴族輪流轉，拍攝費係公司有史以嚟最貴之故！
不過，今年亞視舉行嘅十大電視廣告頒獎禮，已經完成甄選程序，電視已經播緊參賽作品片段，睇怕畢山廣告要參選，都要明年請早囉，而且重可能要面對其他幾個豪宅新盤廣告嘅挑戰㖭。
熱氣球風大冇得玩
長實天水圍慧景軒一連幾個禮拜舉辦乘坐熱氣球活動，吸引到一心置業嘅睇樓客之餘，亦有唔少市民因此前往，一嘗坐熱氣球升空嘅滋味。
不過噚日風勢比較猛，上晝已經相當大風，發展商話咁嘅天氣唔適合熱氣球升空，為安全起見，臨時取消活動，蘭西留意到，有部份睇樓客知悉後表情失望。至於原本脹卜卜，色彩繽紛嘅熱氣球，因風太大怕被吹走，最後都要放氣，軟弱無力地攤在地上（圖二箭嘴），剩番幾個公仔氣球孤獨咁迎風飄盪。發展商話，嚟緊幾個禮拜都會有熱氣球坐，所以唔使心急，重有得玩。
佢噚日一反常態唔講毛語錄，大讚畢山啱啱出街嘅廣告。打算攞去參加十大電視廣告比賽㖭，重寄以厚望，話一定攞獎喎！咁大期望，皆因取景歐洲，一大班軍官貴族輪流轉，拍攝費係公司有史以嚟最貴之故！
不過，今年亞視舉行嘅十大電視廣告頒獎禮，已經完成甄選程序，電視已經播緊參賽作品片段，睇怕畢山廣告要參選，都要明年請早囉，而且重可能要面對其他幾個豪宅新盤廣告嘅挑戰㖭。
長實天水圍慧景軒一連幾個禮拜舉辦乘坐熱氣球活動，吸引到一心置業嘅睇樓客之餘，亦有唔少市民因此前往，一嘗坐熱氣球升空嘅滋味。
不過噚日風勢比較猛，上晝已經相當大風，發展商話咁嘅天氣唔適合熱氣球升空，為安全起見，臨時取消活動，蘭西留意到，有部份睇樓客知悉後表情失望。至於原本脹卜卜，色彩繽紛嘅熱氣球，因風太大怕被吹走，最後都要放氣，軟弱無力地攤在地上（圖二箭嘴），剩番幾個公仔氣球孤獨咁迎風飄盪。發展商話，嚟緊幾個禮拜都會有熱氣球坐，所以唔使心急，重有得玩。
市道差，各部門主管阿頭為激勵經紀士氣，絞盡腦汁，美聯商業部董事黃漢成就自已扲荷包，請舊年頭三位佣金過一百萬元嘅經紀，食官燕同阿一鮑魚，以示獎勵。
今年行動升級，改為五天東南亞或日本遊全包宴，吸引力比單單食一餐更加有份量，睇嚟舊年以超過二百萬佣金奪標嘅女將Carmen姚，排第二位嘅Eric袁、第三名Alan羅，今年要更加落力搵客，唔係就會俾人截胡。
中環蘭桂坊已成為香港特色蒲點，高力國際啱啱就接咗德己立街56號JazminCasaHouse全幢物業標售，3月28日截標。驟耳聽落無乜特別，原來業主係一間歐洲裝修公司，幫過唔少豪宅盤做裝修。據高力國際香港投資部董事李均怡講，業主八十年代已經買入呢幢物業，一直自用至今，物業樓高五層，總樓面1435方呎，將會交吉出售。
電視日播夜播，劉德華教人今時今日各行各業嘅服務態度，但總係未見有物業管理嗰瓣，可能做管理嘅都知道一定要以禮待人。管理公司對於員工要求好高，經常有唔同方法操弗佢哋，好似信和物業管理就利用農曆新年期間，喺旗下百幾個屋苑同商場，搞「2003最佳服務員選舉」，一戶一票形式，聽講反應唔錯，有啲屋苑收到成千五張選票。既然揀喺農曆新年搞選舉，選票設計亦玩吓應節feel，以利是封形式示人，都幾盞鬼。
今時今日地產代理單靠推銷二手樓實難維持落去，大型代理行要生存，都成立專組料理一手樓生意，中小型行因為人手資源問題，多數係兼任性質。
喺新界西北區有多年歷史嘅祥益地產，早排為二手樓搞唔少嘢反擊一手貨，見新盤春節派利是，就提議放盤業主亦派，冇幾耐前游說佢哋出錢，由祥益負責翻新單位，實行同一手貨睇齊，轉數快到不得了。
最近卻轉軚，宣布成立一手樓花部門，由屯門啟豐分行主管林偉光做阿頭，原來林生過去一年已經係祥益樓花專組話事人，今次順理成章由佢擔大旗。祥益重強調，今次新部署，並無涉及其他外來股東咁話。
蘭西
電郵地址：
熱氣球風大冇得玩
（圖二）
（圖二）
地產代理為生存，一二手都要瞓身。