韓國男團JYJ嘅32歲成員金在中搵銀能力一流，之前上日本節公開價值3千多萬港元嘅首爾江南區豪宅，由於內部裝修豪華，加上不乏藝術品及收藏品，即時嚇窒觀眾及主持。

原來金在中仲鍾意送手提電話畀人，根據57歲男星金應洙喺KBS節目《以一敵百》透露，因為佢同金在中於2012年合作電視劇《越空仁醫》，兩人喺劇中飾演父子，拍攝時兩人關係要好，即使劇集播畢後，二人都Keep住聯絡。金應洙仲自爆佢嘅手機都係金在中所送，佢話：「拍攝《越空仁醫》時，金在中見到我用嘅手機仲係2G電話，即時叫身旁嘅經理人去買部智能電話，一個鐘頭後經理人就拎咗個已經開通咗嘅手機畀我，而我0依家用緊嘅手機亦都係金在中喺前年退伍之後同我換。」

更多韓流，喺晒《娛果》
http://fb.com/appledailyent