當年今日
關於我們

智障兒失綜援金母子陷困

蘋果日報 2002/01/21 00:00


四十七歲的單親媽媽陳女士,百病纏身,多年來與輕度智障兒子業仔相依為命,並靠微薄的綜援金過活。由於卧病無法外出,日前陳女士囑咐其子代到銀行提款,惜業仔在途中不慎遺失了這筆「開飯錢」,兩母子如今要勒緊肚皮度日,境況堪憐
「如果我唔係病到五顏六色,都唔敢咁大膽叫業仔幫我去銀行攞錢,其實我以前都教過佢好幾次,諗住佢可以應付到,估唔到一試就出事。」臉容蒼白的陳女士說。

惟一精神支柱
現年十九歲的業仔,患有輕度智障兼自閉及過度活躍症,在襁褓的時候,父母已仳離,由母親一手養育成人。「好多親朋戚友都睇唔起業仔,街坊又歧視佢,但我從來都冇怨過呢個仔,佢係我惟一精神支柱,如果冇佢,我諗我唔可以生存到𠵱家。」
然而陳女士亦承認,照顧業仔令她心力交瘁,導致患上精神抑鬱,多年來要與藥物為伴。「𠵱家我定期要去精神科覆診,自己都感覺到身體一日差過一日,真係好驚會突然間死咗,咁我個仔就唔知點算。」訪問期間,陳女士亦多次對記者表示頭痛欲裂,要暫停休息一會。

失二千三百元
由於身體欠佳,陳女士年前遂被迫辭去接線生一職,與兒子靠綜援金生活。日前,陳女士擬到銀行提款準備作交租及購買糧油之用,但因她患上重感冒,加上肝炎復發,痛得難以下牀,在無計可施下,惟有將重任交託業仔,豈料卻出了亂子,業仔不慎將所有款項遺失了。
經點算後,陳女士證實損失了二千三百元,事後已向警方備案。「發生呢件事之後,我都冇鬧過業仔,唔想嚇親佢,但真係好擔心呢個月兩仔乸唔知點算。」陳女士謂,每月領取的綜援金本已不多,現更飛來橫禍,令他們的經濟更形拮据。
蘋果日報慈善基金了解過陳女士母子的苦況後,即時撥發二千三百元助紓其困。
捐款編號:C0437

暖流熱線
電話:29908688
傳真:23702192
電郵:[email protected]
網址: http://www.charity.atnext.com