韓國女團KARA嘅27歲前成員具荷拉，上月因涉嫌毆打27歲髮型師男友A某而接受警方調查，日前就爆出具荷拉遭A某以性愛片威脅，同時韓媒亦公開具荷拉喺電梯向A某下跪求饒嘅CCTV片段(相關新聞連結： https://bit.ly/2OaAESd )。

對於具荷拉遭A某威脅一事，唔少網民都大感憤怒，覺得A某嘅行為係「約會暴力」、「色情報復」，覺得A某應該需要接受法律懲罰，因此由大前日起，於韓國青瓦台請願網頁發起嚴懲像A某一樣嘅「色情報復」（Revenge Porn）罪犯，截至韓國時間今早10時，請願人數已突破20萬名，而根據韓國法律，如超過20萬人聯署嘅話，當局就要受理。

另外，有婦女團體噚日下午於首爾市中心舉行抗議遊行，要求對性罪犯處以懲罰、嚴懲所有非法拍攝者、杜絕色情報復等。

更多韓流，喺晒《娛果》
http://fb.com/appledailyent