網民發起今午9.8在中環遮打花園舉行「香港人權與民主祈禱會」，並遊行至美國駐港總領事館。今天天氣酷熱，但有遊行人士響應網上呼籲，穿上「全副西裝」參與。記者問到會否覺得被連登仔「跣咗一鑊」，李先生爽快回答：「唔辛苦，前線次次都full gear咪仲辛苦！我呢啲濕濕碎」記者再提到較早前有防暴警疑因天氣酷熱而暈倒在地，問他會否擔心中暑，他則嘲該防暴警「咁渣㗎！我喺遮打花園企咗咁耐都未暈低。」

此外，6.12事件中槍患有肺癌的吳老伯亦有現身遊行隊伍，他表示列印了自己兩次受傷的經歷和文件交予美國領事館作證明，「我上過《紐約時報》，希望交返呢兩次經歷，有一種震撼性，帶出真係發生過呢啲打壓」。

他又坦言，今日遊行「很熱很辛苦」，但一定要站出來向國際表態，「我人生時間唔長，要講畀國際佢哋（警察）嘅所作所為……希望國際關注香港，否則他日都係遺禍返佢哋，中國領導永遠覺得自己好威，要做皇帝，搞一帶一路都係想全球都聽佢話」。吳又指引渡條例對有錢人同樣有威脅，呼籲商界不要置身事外，「佢可以要脅你班有錢佬畀錢，話你個仔喺大陸犯咗罪，畀500萬先，希望你哋好好諗清楚」。

就讀城大市場學系的毛小姐，手持美國國旗出席集會。記者問她為何做「護旗手」，她指是到達遮打後，有市民將旗交給她，笑言「呢個我自願做嘅！」她批評「送中」條例損害人權自由，「雖然而家撤回咗，但政府講嘢反口覆舌，我而家都係唔信林鄭呢個政府」，又認為另一個損害人權自由的是警察，「可以胡亂喺地鐵站打人，地鐵又同警察合作咁，鍾意閂就閂」。

在這樣被打壓的情況下，毛認為，只有港人互助已不足夠，必須有外國的關注和幫助，「要有佢哋出多啲聲，出面制裁，所以好重要」。毛又讚賞港人這次史無前例地團結，定能感動外國，有信心法案能獲得通過。萬一未能通過，會否擔憂香港在政治、經濟上都會『攬炒』？她說心甘情願，「我哋寧願『攬炒』，都唔想放棄我哋嘅法治同自由」。

另一位學生陳先生（化名）指，希望透過今次「和理非」行動向美國國會表態，通過《香港人權與民主法案》制裁中共官員，他認為國際戰線在是次活動中十分重要，「雖然法案暫時未算最『辣』，只係針對涉及銅鑼灣書店事件嘅官員，但絕對好過冇」。他又指，透過《路透社》等報導得知，全球對香港局勢高度關注，若未來延伸至《香港政策法》，將影響許多外資在港生意，未必會想「攬炒」，國際關注或有助向特區政府或中國施壓。

參與是次遊行的學生Justin指，國際外援固然重要，但也要港人先踏出第一步，「只要而家林鄭答應5個要求，美國審視覺得香港有自由就唔會進行制裁，所以萬一攬炒係邊個造成呢？係林鄭政府。」他又指若中年人有為下一代考慮，便不會介意「攬炒」，「佢話佢攬炒可能影響佢30年，但對於年輕一代係80年，但冇民主自由係影響緊我哋一世」。烈日當空下，Justin卻戴上全罩式防毒面具，他指面罩是一種防護，不應因而被捕或被襲擊，「今日行動係和理非，但唔知警方會唔會動用武力，所以要好好保護自己」。

從事IT行業的盧先生出席集會是表達支持美國通過《香港人權及民主法案》以監察香港有否真正實行一國兩制。他表示，美國現時的香港關係法只是在經濟上有特別待遇，但相對上留意到美國有類近人權法案，對監察俄羅斯方面有很大成果。認為對於違反人權方面的人有針對性制裁，是為更有效的監察。

他表示支持美國通過法案是認為國際社會間各國都需在保障及爭取人權間互相影響及幫助。而香港近期在721、831事件中都有不同濫用武力事件，香港政府容許警方打人，打壓遊行集會自由，對香港人的言論自由及人身安全已有實質的影響，因而更需美國方面作出援手。他不認為支持法案是代表支持外國勢力或美國干政，因保障人權是全世界都要爭取的共同價值。

從事市場管理的Charlie指，希望透過美國的民主法案可協助維持香港高度自治及制裁相關官員。他表示，留意到近日每次警方清場都有流血事件發生，損害人權自由方面已到了無可忍受的地步，望美國對香港相關官員作出針對性制裁能避免流血事件再發生。

對於集會後會否有升級行動，Charlie表示今日是和平合法集會，但會否有後續行動要視乎實際情況，「因為你都唔會知一個和平集會，警察會唔會又無啦啦衝入嚟」，他指佩戴「豬嘴」只是為了保護自己，亦是諷刺現時參與和平集會亦要擔心有可能被警方突然以催淚彈驅散。

-----------------------------

9.15民陣遊行

日期：2019年9月15日
時間：3時起步
起點：銅鑼灣東角道
終點：遮打道行人專用區
-----------------------------
【撐學生】
召集有心人 撐學生全年睇《蘋果》
立即按此