又一例子證明強國人玻璃心係幾咁脆弱，真係敲一敲都成地玻璃碎。事緣上星期六晚，吳鎮宇喺微博貼咗張戴住口罩喺食肆嘅相，留言話:「香港生活比較自在，根本沒人會理你是誰！」

其實鎮宇平平無奇兩句說話，就係因為「香港」、「自在」已經觸動到大陸網民嘅神經。鎮宇留言唔夠幾分鐘，就已經有唔少網民cap圖留言鬧爆佢話「這麼歧視大陸，有種別來啊！」、「那你幹嘛還帶個口罩，有本事不要來大陸了！」

其實鎮宇性格火爆好多人都知，好似之前囝囝Feynman拍《爸爸去哪兒2》嗰陣，撞傷左眼角縫咗兩針，鎮宇嬲足一年，仲喺公開活動上為咗呢件事掟咪。不過鎮宇前晚喺微博留言畀網友狙擊後，轉頭就唔見咗，唔知佢呢排係咪收咗火呢！