貝安琪（Ankie）今日去到跑馬地馬場，宣傳快活谷啤酒節，現場仲同「快馬人」大玩遊戲，好鍾意馬嘅Ankie仲現場嘴「快馬人」，佢仲笑言話自己有墮入愛河嘅感覺添！

問Ankie搵男朋友係咪都要搵個似馬嘅？佢話：「最好有啦，因為我細個已經好鍾意騎馬，嗰時只係6歲。」會唔會賭馬？Ankie話：「試過1次，喺同媽咪一齊，當日好開心，因為身邊有個老人家畀貼士，贏咗好多，有3倍。」

Ankie仲話自己好飲得，之前讀大學時，都有喺德國啤酒節嘅啤酒棚做過帶枱，佢話：「不過佢哋飲到好醉，成日會打交，我做咗一陣就去咗後面做。」

至於好友Rosemary嘅婚禮準備成點，佢話：「我係做伴娘，不過咩都未定，最緊要佢開心。」