曾經喺大陸拍過網絡電影嘅范安妮（Cheryl），24歲嘅佢有「翻版何超蓮」之稱，除咗做模特兒外，仲做過人像攝影班嘅模特兒，近年由平面走上立體，之前曾拍男士食品廣告，亦經常喺大陸登台演唱，兼且做電視台主持，百足咁多爪，能夠有機會表現自己嘅，Cheryl都會把握機會去做。不過她對於拍戲會有性感底線，絕對不肯全裸演出：「最多都係著比堅尼，唔會全裸，好尷尬，就算劇組可以清場都唔會肯。」而佢仲打算明年推出寫真集，展示健康型態嘅性感。

鍾意同陽光玩遊戲嘅Cheryl，經常都會游水曬太陽，兼且玩好多水上運動，所以曬得一身古銅色：「我鍾意去沖繩曬太陽，嗰度風景好靚，之前因為工作去過嗰度玩。」而男友亦都一樣鍾情曬太陽，有共同興趣：「不過我哋唔係去沖繩，反而係去台灣嘅墾丁，佢都鍾意游水。」擁有34B、24、35身材嘅Cheryl，平時唔會刻意健身，只係平常多做運動：「我冇刻意做啲乜保養，覺得暫時未有呢個需要，所以唔會刻意健身。」

精選娛聞，喺晒《娛果》
http://fb.com/appledailyent