周慧敏（Vivian）鐵鐵定出年1月26同27日喺紅館舉行「一萬天荒愛未老演唱會」，對上一次開個唱已經係2011年，再踏紅館嘅佢坦言好緊張，而今次演唱會海報就會同林海峰（Jan）合作。Vivian自言一向都係個萬事都準備十足嘅人，但今次影海報，佢去到現場都唔知影乜，佢話：「我帶咗十幾套衫同鞋，好彩有一件有用，如果係其他人，我會好擔心，因為係阿Jan，我同佢合作過，我都好熟佢啦，所以我信佢。」

今次演唱會個名係俞琤喺一個飯局上即興幫佢改，Vivian表示聽到已經好鍾意，覺得好浪漫同好有意思，一萬日就是三十年，所以非常多謝俞琤。