自稱公信力第一嘅《明報》，最近頻頻褒梁貶唐，尤其喺唐唐僭建問題上不遺餘力窮追猛打，難免俾別有用心嘅人懷疑，公信報同狼振英係咪有親？答案原來真係喎。
《明報》編輯部噚日抄政府橋，就個別「傳媒查詢」向全港傳媒發聲明，話明報助理總編輯兼偵查組組長戚本業嘅外祖父嘅堂家姐嘅仔隋鴻發，係狼振英嘅姐夫，話呢種非直系親屬嘅關係，按慣例毋須申報，但戚本業從未隱瞞佢同隋鴻發或者狼振英嘅遙遠親戚關係，強調阿戚喺處理唐唐僭建嘅偵查工作中表現客觀嚴謹，符合專業要求，力撐佢幫理不幫親。
坊間傳言查詢嘅其實係唐營中人，但八方私下向《明報》老友打探後，發現提問嘅傳媒應該既非挺唐又非挺梁。狼振英噚日被問到同戚本業關係時，笑笑口話相信喺幾重關係下，冇人會相信佢同戚本業有乜關係囉，唔通今次係《明報》自作多情？