陳煒（煒哥）和陳山聰在昨日大年初二，飛往多倫多登台。戴上口罩和黑超的山聰於昨早約8時半，獨自在機場的櫃位登記，未幾見到同樣戴了口罩的煒哥與醫生男友同行，男友為她推行李車，十分體貼，他們全程罩不離口。談及疫情，煒哥示意不願多談，但對於男友陪她飛多倫多，她甜笑說：「係呀，係呀！」

陳山聰派雙封利是

山聰表示劇集《金宵大廈》的「阿蕭」一角，為他帶來不少外快，在數個月前已接下今次的登台工作。提到現時疫情嚴峻，他說：「飛加拿大都應該安全，不過喺飛機上都要做好預防措施，我老婆差唔多將八個口罩塞入我個袋，叫我記得戴口罩，上機瞓覺都要戴，我諗飛機都有做防菌消毒措施，所以戴住口罩應該冇問題。」去年成家立室，今個農曆新年山聰要派雙封利是，他開心地說：「第一年派雙封，開心事，原本老婆同我一齊飛，但佢嫌當地太凍，其實好彩佢冇去，因為始終有疫情，留喺屋企安全啲，我就幾日後就趕返嚟陪屋企人。」
採訪：黃曉妍
攝影：陳俊強、馮嘉銘