夏尉喻(Barbie)及石天欣早前化身聖誕女郎跟《蘋果》讀者賀聖誕,雖然今年二人要於工作中度過佳節,不過她們均表示會提早跟家人慶祝。正進修廚藝的Barbie,表示自己以煎三文魚最為拿手,問到她進修廚藝是否為了留住男友?她笑說:「如果有男友都唔介意煮畀佢食,因為呢半年自己搬咗出嚟住,所以先學煮嘢食照顧自己。」提到過往收過最難忘的聖誕禮物?Barbie搞笑表示:「一個粉紅色耳筒,其實我個人好心急,每年收到禮物都會等唔到Boxing Day先拆,我一定會偷偷拆,然後再包返好,等到26號再同大家拆多次。」