當年今日
關於我們

【父愛呀!】餅碎Miki晒老公半裸抱囝相 胡仔稱三寶係人生動力

蘋果日報 2017/06/18 17:45

蘇永康胡諾言梁烈唯Miki林奕匡胡澔錕

父親節係每年特別感謝父親嘅節日,唔少爸爸對呢一日都有啲感慨,話晒「養兒一百歲,長憂九十九」,湊大一個小朋友並唔易,何況「爸爸」呢個角色仲係一家之主兼家庭支柱!
餅碎Miki今日喺Ig貼咗老公郭永淳嘅半裸相,相中見郭永淳抱實囝囝,流露出父愛;而自認「老來得子」嘅蘇永康,3月迎接囝囝蘇展弘(Jazz)出世,今年同Miki老公郭永淳一樣,同囝囝過第一個父親節!
蘇永康又晒有囝萬事足,今早喺Ig貼出一張囝囝Jazz嘅手捉住爸爸蘇永康手指嘅相,蘇永康留言:「家父二千年已仙遊,本來以為終生只需祝福他人的節日,今天竟然受到祝福,我感恩上天的安排!這小手一捉彷彿就是終身的承諾!不管高山低谷,只管風雨同路,相扶同行⋯⋯祝福大家父親節快樂!」
林奕匡今日喺Ig貼咗一張爸爸媽咪及未婚妻Rikko嘅合照,回想起爸爸嘅教誨:「我覺得爸爸教我最重要的事就是只要你有一雙手,你肯努力,沒甚麼不可能,謝謝你!Happy Father's Day dad!」
此外,做咗爸爸嘅梁烈唯都有喺Ig貼抱囡相,而追仔成功嘅胡諾言,今年貼咗抱住囝囝胡澔錕(波仔)嘅相,佢喺Ig寫道:「做咗人爸爸八年,胡家三寶成為我人生嘅動力!今年你係第一年同我度過父親節!o依家我就錫你多啲,到我老咗(波仔)你要錫返我啦!祝各位爸爸!父親節快樂!」
empty
empty
Miki Instagram截圖
empty
胡諾言Instagram截圖
empty
梁烈唯Instagram截圖
empty
蘇永康Instagram截圖
empty
林奕匡Instagram截圖