武漢肺炎肆虐， 香港 人減少出街避炎，在家煲劇成為其中一個消遣，唔想睇大台膠劇的觀眾，再次掀起煲韓劇潮，好似剛播完的人氣韓劇《愛的迫降》，靚仔玄彬令女fans痴痴迷迷，人人都想做女主角「尹世理」，連大台視后唐詩詠都要變身做尹世理，昨晚在社交網貼相並寫道：「整番個『尹世理』北韓頭，懷緬一下先， #解毒中 #NT」林子萱留言讚：「好似喎！」

曾去北韓的前大台主播方健儀，就在社交網貼跟北韓軍官的合照，留言：「理想 VS 現實？#有人話北韓軍官好靚仔 #我未睇《愛的迫降》不理解 #我去過北韓更加不理解 #仲以為降係投降嗰個降 #又或者係降頭嗰個降囉 #愛的迫降 #玄彬」相中現實裏的北韓軍官，跟劇集理想中的玄彬天差地遠，網民留言：「現實永遠都係殘酷！理想永遠都係美好！」、「睇韓劇認真便輸了」。

同樣去過北韓拍旅遊節目的洪永城，亦晒出跟北韓軍官的合照，留言：「毒，我就無中，不過的確開始睇咗幾集《愛的迫降》，我知你知北韓嘅玄彬應該係咁嘅樣，因為我接觸過。」相中的北韓大叔軍官土味甚濃，李綺雯抵死留言：「我知啦，你一定搵個最唔靚仔嘅影，然後襯出你自己靚仔呀嘛，一定係咁。」洪永城回覆：「佢已經係最後生㗎啦」、「真相係殘忍嘅」。

《果GYM》隨身播 　健身壹App過！