台灣「第28屆金曲獎頒獎典禮」今晚喺台北小巨蛋登場，星光大道喺下午5點開始，各獎項嘅候選人流踏上紅地毯，蕭敬騰嘅獅子合唱團、楊丞琳、五月天、香港歌手草蜢、GDJYB雞蛋蒸肉餅，及日本樂隊GLAY等都續現身。

其中有份角逐金曲歌后嘅香港代表盧凱彤，就聯同「對手」魏如萱及葛仲珊一齊走上紅地毯，佢哋各自嘅歌迷嗌到拆天，又舉晒牌咁支持。據知，盧凱彤件戰衣係Chloe出名，連同Stuart Weitzman高跟鞋，呢身造型至少花費5萬港幣。

至於日前喺林敏驄作品展中綵排時受傷嘅草蜢蔡一智，經連日嚟嘅治療後，今天如期出席金曲獎，佢行路時冇乜異樣；至於蕭敬騰就率領佢隊獅子合唱團現身紅地毯，蕭敬騰心情勁好，而啲團員坦承穿紅內褲，被問到奪獎勝算有多少？老蕭說：「勝算有很多成，對我們自己非常有信心。」

擔任頒獎嘉賓嘅楊丞琳紮馬尾襯珠片長禮服，雖然佢同男友李榮浩前後腳現身，但順理成章成為全場焦點，而佢亦獲眾多fans送上歡呼聲。其後容祖兒及林宥嘉等亦先後踏上紅地毯。

然後GLAY到場時，工作人員安排佢哋背向鏡頭，原來係要佢哋印面油同汗。而日本天團GLAY同五月天壓軸登場，而五月天出現時，即時引嚟fans尖叫聲。

伍佰以《釘子花》專輯獲最佳台語專輯，不過佢就喺青海表演緊，所以出席唔到頒獎禮，代領者就喺台上講感言：「不可否認台語歌的深度和廣度是國語歌無法企及的，但國語歌追求娛樂性，很高興我做了還不錯的平衡。」

五月天嘅阿信憑住《成名在望》一曲，成功奪得最佳作詞人獎，佢喺台上話：「好啦，這個獎是幫你們大家拿的，現在讓你們叫5秒！如果沒拿到，我這一生墓誌銘上會寫『這傢伙，一輩子都沒拿過金曲獎最佳作詞人獎，但大家都認為他該拿』。但現在沒辦法這樣寫了，感謝陪我一起長大變老的你們，這個獎屬於你們！」

已故歌手張雨生（小寶）1997年11月12日在台北淡水發生車禍身亡，31歲辭世留給粉絲無限遺憾，今年是他逝世20周年，獲頒第28屆金曲獎的特別貢獻獎，他的愛徒張惠妹在金曲獎上演唱他創作的多首名曲：《以為你都知道》、《後知後覺》、《不顧一切》、《我期待》，張惠妹唱到《我期待》最後忍不住心中悲痛情緒，當場哽咽淚崩。

而最佳國語男歌手由方大同奪得，佢曾5次獲提名但都冇攞獎，今次係首度捧獎；至於最佳國語女歌手獎，就由艾怡良奪得。五月天則憑《自傳》捧最佳國語專輯獎，而年度專輯獎就落喺桑布伊嘅《桑布伊創作專輯—椏幹》手上。

「第28屆金曲獎」部份得獎名單：
最佳年度專輯獎：《桑布伊創作專輯─椏幹》桑布伊
最佳國語專輯獎：五月天《自傳》
​最佳國語女歌手：艾怡良
​最佳國語男歌手：方大同
最佳專輯製作人奬：荒井十一《vavayan 女人》
最佳單曲製作人奬：陳君豪《是日救星》
特別貢獻獎：張雨生
最佳樂團獎：草東沒有派對
最佳演唱組合獎：Mr. Miss
評審團獎：生祥樂隊（圍庄）
最佳音樂錄影帶獎：《拆》（導演：彭畯益、朱啟光、張錫安）
最佳編曲人獎：盧凱彤《還不夠遠》
最佳作詞人獎：五月天 阿信《成名在望》
年度歌曲獎：《大風吹》草東沒有派對
最佳台語專輯獎：《釘子花》伍佰
最佳作曲人獎：黃建為
最佳新人獎：草東沒有派對