超儀想轉運 改名叫「黎明」
蘋果日報 2013/04/08 06:00
陳山聰何超雲何超盈何超儀
超儀唱得好high...- 超儀想叫「錯」，咁咪叫超錯？
賭王三房長女何超雲近日被傳狠撇陳山聰，超雲一直未現身回應情變，只係喺微博玩文字遊戲。
二房嘅何超儀噚晚為慈善活動《饑饉30》擔任閉幕禮嘉賓，講到同父異母嘅妹妹超雲情變，有備而來嘅超儀就話：「 冇留意呀，我哋冇聯絡，公司話咗俾我知你哋會問，我都唔知點答 。」問到佢識唔識陳山聰？佢表示：「 以前細個喺無綫做嘢見過，但係都冇聯絡，唔知點答好 。」
近日超儀出席活動，幾乎每次都撞正何家淑女出事，對上一次就係何超盈迷幻銅鑼灣街頭，今次又撞正何超雲情變，超儀自己都忍唔住話：「係喇，我頭先都同啲DJ講起，唔知點解次次做商台活動都有事發生，真係好邪！」
超儀仲講笑話：「當年o岩o岩入行李宗盛有提議我改藝名，嗰陣都唔覺得有乜嘢，但係到o依家先知影響係咁深遠， 我真係諗住改名，如果我藝名叫黎明，生活叫何超儀，出到嚟唔想大家問，咪可以同大家講，我工作上係黎明，黎明係唔想答呢啲嘢，咁咪唔關生活嘅何超儀事囉 ！」
佢更搞笑地講：「如果o依家我會改一個字叫做『錯』，擺明係做乜都錯，連個名都話埋俾你知，唔會俾人插。」
何超盈早前改咗名轉運叫何朗禎，唔知超儀係唔係都想轉運呢？
「第八屆金話梅電影選舉」又嚟喇。今年除港產片有獎攞，仲增設「最爛合拍片」獎。栢芝憑四套電影入圍「最爛女主角」，應該冇得輸。大家快快投票啦，結果將於4月12日在《蘋果》娛樂版揭曉。
公投網址： http://facebook.com/AppleDailyGoldenPlum
二房嘅何超儀噚晚為慈善活動《饑饉30》擔任閉幕禮嘉賓，講到同父異母嘅妹妹超雲情變，有備而來嘅超儀就話：「 冇留意呀，我哋冇聯絡，公司話咗俾我知你哋會問，我都唔知點答 。」問到佢識唔識陳山聰？佢表示：「 以前細個喺無綫做嘢見過，但係都冇聯絡，唔知點答好 。」
近日超儀出席活動，幾乎每次都撞正何家淑女出事，對上一次就係何超盈迷幻銅鑼灣街頭，今次又撞正何超雲情變，超儀自己都忍唔住話：「係喇，我頭先都同啲DJ講起，唔知點解次次做商台活動都有事發生，真係好邪！」
超儀仲講笑話：「當年o岩o岩入行李宗盛有提議我改藝名，嗰陣都唔覺得有乜嘢，但係到o依家先知影響係咁深遠， 我真係諗住改名，如果我藝名叫黎明，生活叫何超儀，出到嚟唔想大家問，咪可以同大家講，我工作上係黎明，黎明係唔想答呢啲嘢，咁咪唔關生活嘅何超儀事囉 ！」
佢更搞笑地講：「如果o依家我會改一個字叫做『錯』，擺明係做乜都錯，連個名都話埋俾你知，唔會俾人插。」
何超盈早前改咗名轉運叫何朗禎，唔知超儀係唔係都想轉運呢？
「第八屆金話梅電影選舉」又嚟喇。今年除港產片有獎攞，仲增設「最爛合拍片」獎。栢芝憑四套電影入圍「最爛女主角」，應該冇得輸。大家快快投票啦，結果將於4月12日在《蘋果》娛樂版揭曉。
公投網址： http://facebook.com/AppleDailyGoldenPlum