【更新回應】
早喺今年9月，諸葛紫岐旗下藝人莊端兒開記者會，稱喺今年8月已向諸葛發出律師信，單方面提出終止合約。當時佢喺記招話：「自從我自資出寫真集……有人想我做一啲超越我底線嘅事，而我一而再、再而三去拒絕。」莊端兒之後仲强調日後有人用佢個人資料接洽工作，就會保留追究權利。

事後，諸葛紫岐就回應話從來冇迫藝人去做唔想做嘅嘢，仲話：「合作講求彼此誠信，如果誠信出現了問題，好難合作！」(新聞連結： http://bit.ly/2h926Pf )
一地花生！

事隔超過兩個月，今日事件又有新發展，諸葛紫岐今日下晝喺微博貼出聲明，話已經委託律師，今日入稟高等法院，控訴莊端兒，追究有關損失。

諸葛紫歧聲明如下：

就近日莊端兒小姐透過不同媒體及召開記者招待會，所述有關諸葛紫岐及星韜國際娛樂文化有限公司(「當事人」)的誹謗性言論及惡意虛假行為，我們已委託資深大律師處理，於今天入稟高等法院，控訴莊端兒小姐，除了討回公道，並追究事件發展至今對當事人所帶來的傷害及損失。

由於安件已進入司法程序，我們現階段及以後不宜就該案件作出任何評論，多謝各界關心。

本報就此事致電莊端兒前男友張致恒，佢以短訊回覆：「我唔方便回應」！

又要準備花生囉！

今日莊端兒透過歌手迪子回覆《蘋果》表示冇回應。