當年今日
關於我們

【型男字典】禦寒西裝點樣揀? 粗糙「粗花呢」一樣有皇室氣派

蘋果日報 2018/12/12 12:00

investMAN型男字典粗花呢西裝

今個星期香港天氣明顯轉涼,打入冷宮多時的大褸、西裝褸係時候可以拎出嚟着下。男士不同女士的衣着咁多花款,來來去去都是皮褸,大褸或者西裝褸。講到西裝褸,好多人都會覺得其實咪又係一件褸,洗乜咁講究!由於自己係從事男士度身訂製的服裝店,所以每逢秋冬就一定會收到好多客人問,問題離不開都係想要啲有質感的、有texture 的布料做西裝。頭一兩年有時真係唔明白佢地想表達啲咩?
好記得有一次有個男士走入嚟做西裝,度完身之後當然係飲下酒傾下計,其間佢發表咗一樣嘢:「冬天同夏天料咪就係厚薄之分囉,好簡單,冬天着厚料,夏天着薄料。就係咁簡單!」
慢慢係呢行耐左就會發現,其實好多男士真係唔知有咩分別。可能亦因為咁令我更有生存價值。所以頭炮就決定寫下冬天布料,睇下係咪好似上面位客人咁講咁簡單呢?
入正題,上面位客人其實絕對沒錯的。因為一般秋冬季是可選擇一些厚身布料,但除咗越重的布做出來的西裝越保暖之外,大家可能未必知道,另一些好處係懸垂性高,抗皺力強和更耐用,我個人覺得除非成日要出trip,否則一般320至340 grams 的重量都能應付香港的秋冬季。至於布料質地方面,除咗可以揀一些重量較高的羊毛布之外,其實仲有其他選擇,例如保暖度較高的法蘭絨(flannel),羊絨(cashmere),粗花呢(tweed)等。
在以上三種布料當中,法蘭絨(flannel)的最大特點,就是超柔軟的觸感及表面的絨毛是超級舒服,而且顏色方面選擇比較多,亦係因為表面上的絨毛,先可以做到客人常常掛在口邊的那種texture感覺。
另一種羊絨(cashmere),即係我們俗稱的「茄士咩」,而原產地是來自喀什噶爾山羊(Cashmere goat),其採集過程中只可以用外皮表層最細軟的絨毛。而現時中國及蒙古是羊絨的來源地,一般都會再運到蘇格蘭或意大利等著名生產地製成布料。羊絨相對一般羊毛,優點是更纖細、 柔軟、輕盈、保暖,而且致敏性低,過敏性皮膚的人也可使用。所以茄士咩一般比平時的羊毛布更高貴,售價亦會較貴。
最後,粗花呢(tweed)是3種布料中,手感是最原始的,如果你將tweed 放上手,手感是非常粗糙,一點也不舒服,但亦因爲粗糙的原因,所以吸引好多歐洲男士鍾情這種布料。原因是它非常保暖。見得最多一定係英國人打獵時所穿着的jacket。
而早期的tweed,是發源於蘇格蘭農田間的布料,算不上是高檔,但因為溫莎公爵着過後就受到其他英國紳士垂青,而當中最出名一定是Harris tweed。經歷了咁多個世紀,Harris tweed 依然採用最傳統的手製方法製造,在90年代更通過立法取得商標認證。所以各位男士睇完上文之後,不妨今季試下一點新嘗試。
文:BH
九十後訂製西裝店店主,自少酷愛時裝,曾到意大利,英國和日本遊學鑽研西裝文化,但堅持傳承香港老師傅工藝。
investMAN
For People of Style & Substance
掌握理財智慧 感受生活品味
http://facebook.com/investMAN.hk
empty
Cashmere jacket:來自英國布料品牌 ─ Holland & Sherry。
empty
Flannel odd jacket:來自意大利布料品牌 ─ VBC。
empty
Dr. Watson的造型離不開tweed。