下星期三冇馬跑，有一個小假期，今晚追月之際亦可以安心睇波了。這個周末是歐洲國家盃外圍賽的天下，一共22場賽事咁多；歐洲有強盛大國，亦有多個貧窮小國，足球國力可以差天共地，打外圍賽時常常出現一面倒的局面。睇睇足智彩開出的賠率，其中就有5場是「贏毫子」賽事，強隊贏的賠率是一點零幾，買10蚊贏到幾毫子。

馬其頓唔「腩」得晒

評馬寫貼士很重視賠率，機會要跟回報成比例，當然跑馬跟足球不同，一場賽事有十幾匹馬跑，變數較多；打波兩方對戰，非你即我，但熱賣到一點零幾的球隊，總要有十拿九穩的條件才理性吧！
翻翻戰績，聖馬力諾、安道爾及阿塞拜疆，原來近10戰都是9負1和；盧森堡更加是10全敗，難怪對家會熱賣一面倒。餘下1場是英格蘭對馬其頓，其實後者唔「腩」得晒。
上場撞楣入1球，英軍等於是影相險勝；今次返主場氣勢雖然不同，但氣勢不會把皮球送入網，恐怕這是最唔抵的「贏毫子」盤了。
張美德
記者出身的著名馬評人，現職馬會節目主持人。