李璨琛昨日到尖沙嘴出席活動，對於老婆在徐濠縈的Instagram鬧黃浩，他直言撐老婆。對於藝人涉在黃浩餐廳吸毒，他首度開腔說：「嗰晚係上年1月15日（應為10月），有23個人食飯，我係其中一人。」其後他舉起三隻手指說：「我發誓冇做過任何嗰個老闆所講嘅指控，如果報咗警仲好，還我清白。如果當晚老闆發現咁嘅行為，點解唔即時報警？一路冇證據又交唔出片，如果警方真係信我哋做咗不法事，相信家都唔喺度，已經叫我調查，但一路冇搵我，好想話畀大家知我冇做過。」有傳阿徐與廿四味成員Kit激咀，他以低能及搞錯來回應。

杜如風：想睇盒帶

杜如風昨日也澄清自己不在現場，她說：「我舊年10月15號去咗北京拍嘢，好想睇吓點key到我個頭落去，如果有盒帶我都想睇，咁先證明我哋做過乜。」有傳黃浩被恐嚇，杜如風說：「我都想知，我哋暫時冇俾警方邀請協助調查，好想警方搵我協助。」她直言陳冠希轉發徐濠縈貼黃浩相是好心做壞事，但強調沒涉及毒品。有指阿徐與陳奕迅嗌交，她說：「佢哋感情絕對冇事。」
採訪、攝影：胡比、李珮洳、黃文偉