范冰冰喺大陸嘅一線女星，估計有十億身家，佢曾經好豪氣咁講過﹕「我不嫁豪門，我自己就是豪門!」不愧有「范爺」嘅霸氣！

要迎娶一個又靚又有錢嘅女人，當然要花點心思啦。李晨為咗俾女友冰冰一個驚喜，除咗喺佢36歲正日生日求婚外，現場環境亦要一絲不苟，網上流出一批李晨向冰冰求婚嘅現場環境相，場內以粉紅色系作主打，佈滿粉紅同白色嘅鮮花。

話晒係冰冰嘅生日，蛋糕當然唔少得，相中所見至少有八個蛋糕，花形蛋糕外，仲有至愛嘅貓貓蛋糕，造型維肖維妙，真係好似童話公主出嫁一樣咁浪漫，仲見李晨拎住一束花，拖住冰冰入會場嘅片段流出。而冰冰屋企人都喺現場作見證，一家人一齊影合照，之後兩口子再頭貼頭合照，李晨忍唔住錫咗冰冰一啖！