謝霆鋒早前接受《士多》雜誌訪問，問霆鋒怎樣看自己的身份和形象？他帶點慨歎地說：「我冇身份，亦冇特定嘅形象。你哋所見到嘅係我外在風光，得到有幾多歡呼聲同賺到幾多錢，事實上呢啲都係唱片公司帶出嚟嘅形象。不過有幾多人憎我同埋點睇我，呢啲係我控制唔到嘅，因為我冇得揀。」

睇住佢大
訪問當日碰巧是張國榮逝世後第四天。霆鋒在訪問中談及對張國榮的印象時，顯得十分傷感。早前有報道指霆鋒得悉張國榮的死訊時，將自己困在band房，霆鋒在訪問中一提到張國榮，即時雙眼通紅地說：「哥哥（張國榮）睇住我大，我自細就見佢喺我屋企出出入入好多次，雖然佢今次呢個決定未必係一個好榜樣，但呢個始終係佢嘅選擇，所以我會尊重佢。」

追求完美
與張國榮一樣同屬處女座的霆鋒，亦有每事追求完美的特質。拍照當日，霆鋒不忘帶齊私伙攝影器材到studio。當霆鋒拍照時發現自己按錯掣，即時將整筒菲林扯出並拋進垃圾桶。
就算攝影師要他不停吸煙和被水淋他亦照做，可見霆鋒對工作認真。