陳茂波日前指「港版國安法」若通過對港影響不大,問及如美國實施部份制裁,香港有否應對之策。陳重申若美國實施制裁,於美元結算「只係冇咁方便啫」,稱不會影響香港的美元結算。「呢個我哋有應對方案,我哋係需要警惕,但同時間唔需要過慮」。
他指香港是全球第三大美元外匯中心,不少跨國企業均利用香港資金自由進出、聯繫匯率之穩定性進行交貿,稱若香港市場有任何波動,亦將影響環球金融市場,包括美國,及影響持有美元資產投資者的信心 :「金融市場互相聯繫,美國嘅金融機構、投資基金喺呢度有咁嘅利益,如果我哋呢度(香港)打個乞嗤,對佢哋都會有影響」,指「相信無論邊個都好,都會審慎行事。」
陳茂波指,倫敦紐約等國際金融中心「佢哋都會有佢哋嘅國安法,我哋立條國安法都係用嚟堵塞而家嘅漏洞,同其他地方一樣啫。」
他稱聯繫匯率制度對本港維持國際金融中心地位十分重要,且過去37年行之有效,政府無意檢討,亦不認為有需要改變:「我哋個聯繫匯率1983年實施,美國政策法裏面話俾香港特殊待遇嗰條條例就係1992年,你由呢個時序就理解到,我哋實施聯繫匯率係唔使佢同意,係我哋自設嘅制度。」
陳茂波又表示,得悉有投資者查詢境外開戶問題,但數量遠不及去年社會動盪時期;他指市場近日有近500億元流入,「流入嚟嘅錢遠遠多過流出去」,籲市場不需要過慮。
至於「港版國安法」細節,陳指業界普遍持正面態度,等待細節出台。
-----------------------------
反送中一周年,《蘋果》整理大量涉及警察濫暴濫權等資料,製成詳盡資料庫,請按此閱讀
圖表版本 /
純文字版本 -----------------------------
打國際線 《蘋果》英文版免費試睇
按此了解更多 英文版已登錄新版《蘋果》App
按此下載/更新 -----------------------------
App內1-Click訂閱《蘋果動新聞》
按此了解更多