絕對心中有馬!兩位當旺女士 無非想影張相啫?
鄧詠琪鄭是鳳羅富全銘記心中魅力知心
鄭是鳳(左前)及鄧詠琪(左後)一同踩單車睇銘記心中(右箭嘴示)
今朝(4日)羅富全馬房一對周三(6日)晚參戰馬,包括頭場「銘記心中」及第三場「魅力知心」,約7點前先後前往內圈踱步,只見兩位女馬主鄭是鳳及鄧詠琪到場觀操,並走上烽火台三樓,沿途睇住操練過程,不單止咁樣,佢哋仲一齊踩單車傍住愛駒返馬房,動態十分積極。
周三出爭第一場五班1650米「銘記心中」,季內有兩場頭馬進賬,復課有正常工序。今朝(4日),踱步依然神態從容不迫,脾氣收斂,處大熟階段。
另一匹列陣第三場三班1200米的「魅力知心」,新近兩連勝,方興未艾,難怪兩位女馬主如此重視有加,有望在一年一度國際騎師錦標賽日盛會中,在外賓面前影番張頭馬相威威!