【韓流】導演親證《與神同行2》如期夏天上映 預告解開第一集之謎
與神同行2
韓國人氣電影《與神同行》去年12月喺韓國上映,電影叫好又叫座,成為韓國電影史上最賣座票房嘅第二名。至於香港方面,《與神同行》於今年1月11號開畫,到現時仍然有戲院播放,播足兩個月,認真犀利,而電影喺香港更有成5千多萬票房,認真犀利。
早前導演金容華已透露《與神同行2》將會於今年暑假上映,不過因為早前有份出演嘅吳達洙陷性騷擾醜聞,令到原本已拍晒,做緊後期工作嘅《與神同行2》要即時刪除其戲份,有關場面亦需要重拍。唔少人都擔心會影響到《與神同行2》嘅上映日期,不過導演金容華就特別拍片,派定心丸透露《與神同行2》將如期喺今年暑假上映,佢話:「我正在努力準備續集並將會喺夏天上映,續集將會解開一啲第一部中隱藏嘅內容,續集會有更好及更感動嘅故事。」同時佢亦再次感謝港影迷對《與神同行》嘅支持及喜愛。
更多韓流,喺晒《娛果》
http://fb.com/appledailyent