音樂人兼作家林一峰今日喺灣仔舉行《歌裏人》新書發佈會。

宣佈推出個人第8本作品嘅一峰話：「我真係好鍾意文字，第一次見到自己嘅作品，好開心。」呢本書係講關於娛樂行業同創作分享，佢話：「香港好多人努力做好多嘢，呢本書係解剖自己個腦，分享創作之餘又為呢個行業打吓氣。」

一峰話知道傳媒嘅氣候變化好大，但鼓勵大家都要正面面對，問一峰人生點樣保持正面心態？佢話：「唔係正面就負面，做人要開心。」一峰透露已籌備年底再出旅遊書，仲話寫作同音樂繼續同時發展，佢笑話：「我冇變過，只係多咗頸紋。」

精選娛聞，喺晒《娛果》
http://fb.com/appledailyent