顏卓靈、徐加晴同王嘉儀等今日到銅鑼灣參與新城倒數活動。

喺27號啱啱過咗24歲生日嘅顏卓靈，當日同朋友去城門水塘行山，當完成四分三路段休息時，佢拎出一個梨準備食，點知感覺到左邊百米外有嘢高速跑近，當發現係馬騮時佢就拔足跑，但為免被襲擊毁容，最後將手上梨掟落地下，問到男友白只冇施救？佢話：「就係佢叫我掟梨，隻馬騮太快，我想叫大家唔好餵馬騮。」對於噚日大台五小花喺頒獎禮上演出，佢覺得好特別，兼且大讚五人落力排練，問佢會唔會嘗試去跳？佢諗咗好耐話：「我性感唔得，頸對上先露得。」

徐加晴早前喺上海工作時冷病至失聲，近日嘗試飲咸竹蜂水先開番聲，除夕夜收工後相約好姊妹返屋企學打麻雀，問到冇異性約咩？佢話：「冇呀，啱啱半年前同拍拖五年圈外男友分手，分手前都成日嗌交，其實都覺得可惜有喊過，但感情係唔可以勉強。」

【minigame】2017瘋暈人物 返工打機唔使擇日
http://bit.ly/2CeWQkP

更多娛聞，喺晒《娛果》
http://fb.com/appledailyent