董特首前秘書區璟智終於同馬時亨拜拜,八月二日起,去咗花園道美利大廈孫公處上班,做咗房屋及規劃地政局嘅副秘書長,專睇西九龍文娛藝術區個大計劃,原本嘅負責人曹萬泰就甩難,做番其他地政規劃工作。
講起西九呢個大項目,除咗政府緊張,各大財團更緊張,長江新地當然志在必得,太古、恒基同信和亦各有打算,至於𠵱家市場上最搶手嘅,就係文娛藝術顧問。
八方聽聞,今個月正式退休嘅演藝學院校長盧景文,結束佢十二年教育工作後,大有機會進入商界,事關四大財團都搵緊人,重好有誠意㖭。至於演藝個位,就會由英國達靈頓大學既KevinThompson接手。演藝二十年,盧校長桃李滿門,邊個財團得佢幫手,一定對爭標好有用。
(圖)八月退休嘅演藝學院校長盧景文,成為四大財團嘅爭奪目標。
傳真︰2623-9278
電郵︰
[email protected]