陳奕迅（Eason）早前以奧比斯光明大使身份到印度探訪，當他親睹當地小朋友每日與蒼蠅同眠，並飽受眼疾及教育問題困擾，他不禁大為感慨，覺得相比之下，身為香港人的自己實在幸福到不得了。

陳奕迅（Eason）今次到印度探訪一星期，由於當地氣候非常炎熱，每日氣溫高達42度，故Eason與工作人員每日都要飲大量清水才能維持下去。
身體看來相當健康的Eason，更差點病倒，他說：「呢個行程都幾辛苦，喺最後一日，我身體真係有啲捱唔住。呢度啲小朋友每日都係同烏蠅瞓，生活喺一個衞生惡劣嘅環境下，真係好難想像佢哋有一個健康嘅成長。我哋身為香港人，我覺得自己實在太幸福。」

派禮物互相爭奪

雖然今次探訪只是短短一星期，但卻叫Eason深刻難忘，例如他買了許多糖果、文具和足球送給小朋友，但當他準備派禮物時，小朋友竟完全不理會是甚麼東西便搶奪一番，令Eason大為驚訝，認為這是教育問題，希望當地政府能夠正視。

陪小朋友做手術

另一難忘事是Eason參觀一小朋友的眼科手術過程，他說：「我親眼睇住小朋友被針插眼，然後電走眼裏面嘅白內障，真係好驚險。最後手術好成功，第二日佢可以返屋企，我仲親自送咗佢返去，佢屋企人又親自造咗條手繩畀我，條手繩寓意住一種祝福，我𠵱家仲戴住。今次旅程令我獲益良多，令我發現我哋確係身在福中不知福。」
撰文：林妃