逆子弒父案中，疑兇將父親殺害後，電召客貨車將屍體由屯門運到華富邨，《蘋果》訪問到當日接載疑兇的客貨車司機黎先生，他透露，有人以搬家為由，於周二(4日)下午召喚客貨車，其後改至翌日上午搬運，司機更有份協助將藏屍的膠箱搬上車，至今日驚悉膠箱內是屍體，變相有份抬屍，大嘆倒楣。

黎司機透露，周二下午接獲一名姓黎客人訂單，要求由屯門寶田邨往香港仔華富邨，客人於短訊中表示，需要大紙箱盛載舊屋的紅酒及書本，但其後客人更改預約，接送任務延至翌日上午，當他駕車至寶田邨相約地點後，該名打扮斯文，身型瘦削的客人出現，借走其手推車上樓，返回時，手推車上有一白色膠箱，「我同佢一齊抬上車，聽唔到入面有酒樽聲，我以為全部係書，嗰箱封實哂，好重，亦睇唔到入面有咩。」黎先生萬料不到，竟然協助殺人犯搬屍。

「唔好意思，噚日冇帶新屋鎖匙」黎先生憶述，客人甫上車便向他道歉，並表示搬到華富邨與未婚妻同住，黎形容客人於車上表現沒有異樣，「佢幾斯文，又唔大隻。」最終客貨車經西隧到達華富邨，連改期附加費及隧道費，共420元，對方付上500元，不需找贖。落車後，客人以手推車將膠箱運往華樂樓。

駕駛客貨車10多年的黎先生表示，今日接獲警方來電，始得悉曾接載的客人是弒父兇徒，「點解咁都中？！」黎先生表示不害怕，亦不需拜神求心安，「又唔係我害佢，我都唔知㗎！」而警方已撿走手推車作證物。

你敢爆，我敢獎！ 立即WhatsApp《蘋果》24小時爆相爆片熱線 或致電：63836568