現年39歲的歌神陳奕迅（Eason）於香港時間噚日獲母校英國倫敦金斯頓大學（KingstonUniversity）頒授榮譽博士，以表揚佢對粵語流行曲嘅貢獻，網民紛紛改口嗌「吹神」做「Dr.Chan」。太太徐濠縈、女兒康堤同爸爸陳裘大特別飛往英國觀禮，就連中好友葉佩雯和老公EricKwok、梁漢文夫婦、蘇永康、何超儀夫婦和杜如風等都拉大隊到賀。影大合照時，相中個個人都笑晒、戥Eason開心，連康堤都笑，係得「博士夫人」徐濠縈完全唔笑。

Eason於93年入讀金斯頓大學，並在校內攻讀建築學及音樂課程，其間也考得英國皇家音樂學院八級聲樂證書。其母校官方網頁日前都刊登了Eason返母校領取證書嘅相，穿上博士袍嘅Eason拎住證書，非常神氣，仲捉住太太徐濠縈隻手合照，大晒恩愛。

儀式於RoseTheater舉行，向來行為鬼馬的Eason上台領取證書後，除了致謝辭，還技癢清唱了一段《天下無雙》，；記者會上，Eason又再清唱一次這歌。當年有說此曲是獻給其家人。兩度揀同一首歌，Eason對家人一份心思，不言而喻。喺英國金斯頓大學頒授博士榮譽儀式上，Eason即場清唱廣東歌、仲係大家最熟悉嘅歌曲之一《天下無雙》——嗰種親切感…加埋香港人對英國嘅微妙感情……百感交集。

站在校長身邊的Eason馬上變成乖學生，他全程笑到四萬咁口。粉絲們難得碰到Eason，大家都遞上Eason做封面嘅場刊索取簽名。

此外，Eason接受校方訪問時，曾謂:「當我第一次收到此邀請時，真的受寵若驚。我覺得我不值去拿此榮譽，因為我沒真正於此校畢業。但我將此邀請信給父看，他就說，我欠了他(父親)一個degree，因為父親給了我一個很優質的教育。我想得越多，就越覺得這是一個很奇妙的榮譽，和對我音樂成就的認可。」又勉勵學生:「我其實還在學習中，我覺得成功是要有一顆善心和愛心，沒任何東西可擊倒它，追求夢想是重要，但跟著你的心去做就更重要。」