獨居長者陳伯，八十六歲，他向到訪記者訴說：「年幾前呢部電視機已經好細聲，聽唔到講乜，惟有靠睇畫面，估吓內容；但喺𠵱家連畫面都矇查查，根本都睇唔清楚。」
陳伯在燒臘店工作逾五十年，妻子則在五金舖任職，夫婦膝下無兒。數年前，妻子因病去世，患高血壓的陳伯，曾多次在街上暈倒，此後他平日除了到街市買餸菜外，甚少外出，大部份時間留在家中看電視節目或收聽收音機。

唯一娛樂睇電視
惟家中的電視機因用了十多年，近日機件出現故障，而陳伯晚年靠綜援餬口，過着捉襟見肘的生活，實無力購置新電視機。白髮蒼蒼的陳伯幽幽地說：「梗係想有部新電視機睇，但我每日兩餐都只係啱啱夠使，重點儲錢買部電視機呢！」陳伯盼獲讀者捐贈，讓他可以隨時收看新聞節目及電視劇集，以解孤寂。
另一位六十五歲的潘婆婆，近月獲分配公屋單位，得以改善居住環境。可是孤苦無依的她，無餘錢更換失靈電器，她為此愁眉不展。
「我住開唐樓板間房，要同其他住客輪流用廚房、廁所，加上地方淺窄，出入好唔方便。𠵱家搬嚟呢間公屋，真係舒服好多，不過早兩日屋企個老爺電視機突然冇聲又冇嘢睇，噚日部洗衣機都壞埋，我搵電器師傅幫忙，點知佢上門淨係檢查吓部機都收我二百七十蚊，如果修理埋就要我另外畀一千三百蚊零件費，我邊負擔得起呀！」她歎道。