關淑怡（Shirley）近日喺社交網甚活躍，日前喺Ig留言：「不想回香港。」後，連續兩日喺微博向內地藝人胡兵開拖狂轟，佢轉貼咗胡兵日前不滿長期幫襯嘅酒店拖鞋質素帖文，仲留言話：「胡兵太讓人失望……因為一對拖鞋，就是因為不滿酒店沒有好的或代表他身份的酒店，這樣對他的形象非常之激到負面的，人越行越要謙卑。」之後佢再用英文留言：「同性戀？我有很多同性戀朋友……沒甚麼特別的，並不意味希望他成為我的男友……不是我的類型……」

二人素不相識

其實兩人素不相識，但係Shirley之前喺胡兵Ig留言評論拖鞋事件：「內地人做甚麼都可行！自覺了不起。一點都不大方。明未！他是胡兵，這樣枉隆（狂）妄，很叼（丟）臉！」雖然亦有網友評論胡兵被「寵壞」，但Shirley就被疑似胡兵團隊同粉絲文字圍攻，更重提佢舊年喺大嶼山大鬧酒店事件，而佢亦被unfriend，所以Shirley激到截圖留言：「連我都被侮辱一番。以後不會再follower他！他不是神、國王，他只是人！」最後，Shirley餘怒未消，噚日再喺微博留言狙擊胡兵：「Hubing怎麼辦，我不管！但對他極度失望！不想沾他的光環。我不需要。只是帥氣沒用，格調和修養是無法裝和做作的。」
撰文：馮仁昭