尖沙嘴樂道一粉麵店，有顧客投訴店員針對內地遊客，在帳單上「報大數」，每碗粉麵收費，比價目表上所列價錢高最少兩成，有顧客指是存心欺騙及要報警，店員才收回正價。消費者委員會直指「咁做好唔應該」。

公司寫字樓設在尖沙嘴的黃先生向本報投訴稱，日前他帶同兩名操普通話內地朋友，到樂道「源記粉麵」午膳，他們點選了三碗牛雜粉、一碗淨牛雜及一碟油菜，價目表上列明，牛雜粉每碗17元、淨牛雜每碗40元，油菜每碟12元；總數應為103元，結帳時要收170元。

「人頭費每位收十蚊」
黃先生說，當時以為店員計錯數，細看單據發現店員原來於落單時寫着：「牛雜粉81、淨牛雜60」。他與店員理論，質疑對方在帳單上「報大數」，店員竟稱：「老闆吩咐，要以人頭計，每位十蚊！」
他感到被存心欺騙，要求店員按價目表收費，但店員拒絕。「三碗牛雜粉明明係51蚊，一碗淨牛雜40蚊，竟然變成81蚊同60蚊！但點計都冇可能係170蚊。聽到我哋講普通話就以為係遊客，呃得就呃！我話我係香港人，咁佢哋就轉口話唔收人頭費，仍收150蚊。」
「明明總數係103，都夠膽話要收150；我話不如報警處理，佢哋先至肯收番價目表價錢，咁做生意，好影響本地嘅旅遊業！」