【好歌聽不厭】鄭國江明年入行50年開騷 堅拒開金口

蘋果日報 2020/06/23 17:35

鄭國江
    第31屆香港書展將於下月15日至21日假會展舉行，屆時將展出填詞人鄭國江的收藏品。79歲鄭國江今日在會展出席書展記者會，由於受疫情影響，令到不少人失業，鄭國江早前已寫了多首抗疫歌，他說：「第一首為廣州寫，之後Harry哥哥（王者匡）要做一個兒童防疫節目，我又幫佢寫咗一首，跟住幫民政事務局《香港精神》填詞，區瑞強主唱；其實我喺TVB一個節目入面，我都寫咗首歌，好奇怪，如果我又寫洗手、戴口罩，已經好多，劉德華又唱，張學友又唱，又好似好濫咁，我話不如寫疫後情況，令香港更加振作，用咗火鳳凰精神去寫，不過嗰陣時又未到嗰個階段，結果冇用到。」
    鄭國江透露計劃明年開騷：「我入行40周年做咗一次，45周年又做一次，我通常5年做一次，出年係我入行50周年，所以會計劃做，如果喺紅館做一場，朋友唔得閒就嚟唔到，如果我喺伊館做5場，朋友就可以調動一下。」
    他透露現時已入紙申請，被問想邀請哪位歌手，他笑言：「請同我合作過嘅歌手，梗係請唔到羅文、陳百強、梅艷芳，但仲有好多歌手錫我，例如林子祥、譚詠麟、葉德嫻、李龍基等等，總之嚟得嘅、方便嘅都會嚟。」問他會否開金口唱歌？他哈哈大笑說：「我唱歌會趕走晒啲觀眾，唔好咯。如果知我唱，可能唔買飛呀！」
    -----------------------------
    打國際線 《蘋果》英文版免費試睇 按此了解更多
    英文版已登錄新版《蘋果》App按此下載/更新
    empty
    鄭國江早前已寫了多首抗疫歌。