當年今日
關於我們

羨慕徐淑敏大肚有人養
呂慧儀DeepV企街憂頸患

蘋果日報 2009/08/15 00:00


為慶祝《LaughingGor之變節》開畫票房收106萬,呂慧儀、葉翠翠、周美欣親身到銅鑼灣MCLJP及時代廣場戲院進行謝票活動,向街坊派發書籤、記事簿和海報等紀念品,熱到身水身汗。提到同是選美出身的徐淑敏年底奉子成婚做少奶奶,早前撞車傷頸的呂慧儀表示羨慕不已。
謝天華擔正的新戲《LaughingGor之變節》前日上畫,單日票房已收106萬,同日上映的西片《迷失侏羅紀》則收37萬,另外《麥兜响噹噹》有25萬票房,以《LaughingGor之變節》成績最理想。
三位有份演出的葉翠翠、呂慧儀及周美欣昨日到銅鑼灣派禮物謝票。雖然早前發生鄭融遭胸襲事件,但deepV性感上陣的呂慧儀,在銅鑼灣鬧市派紀念品,沒有引起混亂,反而負面新聞多多的葉翠翠,倒有幾個fans拿了贈品再要求影合照,人氣確比呂慧儀高,至於周美欣更加沒太多市民認識她。
請臨時助手護駕
呂慧儀為確保人身安全,特別請了位臨時助手及要求大會保安多加看顧,她說:「由宣傳開始一直都係性感,覺得自己今日屬於型型哋,知道要喺鬧市做宣傳,特別請咗個臨時助手,而且又有保安睇實,唔驚會俾人博懵,反而係擔心整親條頸傷患。」
為兩餐辛勞企街派贈品,呂慧儀、葉翠翠異口同聲話羨慕徐淑敏(Suki)奉子成婚有人養,翠翠更是最早知道消息的人,她說:「新聞未出我已經知,我識得Kenny啲朋友,佢哋講我知Suki大肚要結婚,Suki咁靚,生個BB一定得意又聰明,佢咁後生要生BB同結婚要好大勇氣,好羨慕佢搵到個好老公,聽朋友講Kenny係個好男人,見到Suki咁幸福自己都有衝動想結婚。」
empty
(左起)周美欣、呂慧儀和葉翠翠雖然在電影中戲份不多,但仍落力宣傳。
下周一擺慶功宴
呂慧儀自稱與Suki親同姊妹,她說:「呢封姊妹利是一定好厚,佢唔請我都要做姊妹,見佢家咁真係好羨慕,希望佢生個可愛baby。」
此外,無綫高層樂易玲昨日接受商台電話訪問,對於電影在首日開畫票房過百萬,她表示相信身在青島的謝天華已得知喜訊,樂小姐話:「其實喺票房98萬時佢已知道,佢話會繼續努力,聽晚佢會返嚟,仲會出席祝捷會,下星期一又會有慶功宴。」
採訪:魯萍
攝影:陳俊強
empty
《LaughingGor之變節》甫開畫即報捷,周美欣(左)和呂慧儀派紀念品給市民。