被視為韓國今年年底壓軸巨片《與神同行》已於本周三喺韓國上映，電影以地獄做主題，充滿濃厚嘅中國特色，好似有閻羅王，又有地獄使者、判官等，當中河正宇、朱智勛、金香起等都飾演地獄使者。

事實上今年年頭因為一齣韓劇《鬼怪》，而掀起一股地獄使者熱潮，當中喺劇中孔劉就飾演鬼怪，而李棟旭就飾演地獄使者，當時李棟旭所扮演嘅地獄使者愛穿上一身黑色西裝，每次執行任務或是唔想被人類見到時，佢就會戴上帽子，而佢同孔劉喺劇中係鬥氣冤家，兩人成日鬥咀，被粉絲視為一對，有粉絲仲想孔劉索性同李棟旭一齊而唔好揀女主角金高恩。

而剛於本月10號播畢、由宋承憲及高雅娜主演嘅韓劇《Black》同樣都以地獄使者做主題，當中宋承憲被一名地獄使者上咗身，所以佢就成為地獄使者，喺劇中被上身後嘅宋承憲同樣都愛穿上一身黑色西裝，似乎喺韓國人心目中，地獄使者都愛黑色打扮。

更多韓流，喺晒《娛果》
http://fb.com/appledailyent