何超瓊成立的天機公關昨晚在上環舉行成立30周年的酒會活動，出席者有何超鳳、何超儀、霍啟剛、霍啟山、琦琦及周汶錡等。超儀透露20多年前做過暑期工，兩個月有1,500元工資：「係負責度橋，家姐嗰時接咗個四大天王活動，當年仲要打去寶麗金搵黎明經理人，同港姐嗰邊，被港姐嗰邊鬧到我一面屁，佢話『叫我哋啲女由2點坐到6點，想曬死佢哋。』我聽完咪同大家姐報告，點知又被大家姐『省』我，佢覺得我唔夠霸氣。」

超儀笑言自己霸氣在台上，對老公陳子聰最為溫柔，更自言不適合做生意：「迫不得已先開咗間電影公司，自己第一份真正工作係做藝人，自己出去傾嘢都覺得有溝通障礙，有時都會問家姐點算。」講到電影公司會否開新戲，超儀就說正在看劇本：「明年重點係樂隊10周年，有兩個演唱會，未來有東南亞巡唱，同準備緊香港嘅活動。」
採訪：黃曉妍
攝影：陳慧安