日本女星鈴木保奈美，噚日落實演出下個月17日啟播嘅富士電視台日劇《家族遊戲》，佢飾演一名母親，聘請咗尊尼組合「嵐」嘅成員，本劇男主角櫻井翔擔當家庭教師，對於參演名作翻拍版，鈴木表示：「有幸能與大夥兒一同演出，現在心情很愉快」

憑90年代富士台經典名劇《東京愛的故事》為人所識的鈴木，今次係佢相隔15載再演民營電視台劇集，98年演過《新聞女郎》後便專注相夫教女，直至前年佢先藉國營電視台NHK嘅大河古裝劇《江．戰國三公主》復出，如今就再次演出民營劇集。



「第八屆金話梅電影選舉」又嚟喇。今年除港產片有獎攞，仲增設「最爛合拍片」獎。栢芝憑四套電影入圍「最爛女主角」，應該冇得輸。大家快快投票啦，結果將於4月12日在《蘋果》娛樂版揭曉。

公投網址： http://facebook.com/AppleDailyGoldenPlum