高志森昨日在facebook無理批評學民思潮學生在做騷，而且更屈學生冇禮貌，他說：「握手都唔識，係冇家教。」高志森言論惹來網民狂轟，直斥冷血無恥及屈人冇家教，揚言要發動罷睇他製作的舞台劇。對此高志森昨在電話中向學生道歉說：「我睇唔到鞠躬嘅畫面，我收番冇家教嘅言論，同埋道歉。做騷我唔覺得係貶意，雙方都係做騷，我都係做騷嘅，我冇否定呢班年輕人嘅行動。」

岑建勳斥狼英

岑建勳的挺學民思潮文章在網上瘋傳，他說：「我當時做錯一件事，就是當有官員來探望我的時候，我跟他握手，結果第二天所有報紙頭版都係官員跟我握手的樣子，但黃之鋒沒有這樣，他非常清晰，不單止拒絕握手，而且還後退一步跟梁振英鞠躬，誰敢說這孩子沒有禮貌。」
岑建勳昨晚在金鐘出席公民教育開學禮，在台上直斥要推行國民教育的梁振英讀屎片，他接受訪問表示有探望絕食學生，並謂：「我啲仔女大晒，但唔會抱事不關己態度。成個社會都唔贊成，點解硬要實行？」對梁振英假慈悲，岑建勳說：「一啲誠意都冇，好怕佢啲政治解釋，陷學生家長於不義。」
採訪：林妃、卓寶花