韓國幾乎每年都有唔少新女團出道，冇實力又冇賣點嘅話真係好難上位。而最多女團揀用性感博出位，少幾塊布、露吓身材，又成功搶到鏡啦！只不過個個都行性感就當然會有比較，就好似4MINTUE成員泫雅同T-ara成員孝敏咁，佢哋不時都以性感形象示人，而噚日咁岩一齊現身同一個活動，兩位偶像立即引起網民討論。

早前被嘲走樣嘅泫雅近排似乎落力瘦身，塊臉冇咁包之餘身材都弗返。雖然泫雅噚日出席活動時收起心口，但就着上今季流行嘅露膊衫晒肩頭同鎖骨，帶點清純性感。反觀孝敏就着透視連身裙，雖然透黑Bra有少少隱約嘅性感，不過整體有啲暗，似乎比泫雅遜色咗啲。