土屋Anna離婚之後贏官司
蘋果日報 2016/01/25 06:00
蘋果誹謗即時土屋Anna甲斐智陽發誓~奇跡的歌手毀約賠償
土屋Anna打咗兩年半嘅官司終於完結。- 土屋又唱歌又做模特兒又演戲，可惜就因演舞台劇而打官司。
- 土屋Anna今朝一出門口就被大批記者包圍，勝訴嘅佢都唔介意自己素顏，照樣接受訪問。
- 土屋知道自己勝訴當然笑得出。
- 傍晚佢再受訪，土屋仲話對方唔應該作曲唱佢，應該利用音樂宣揚和平。
日本混血模特兒兼歌手土屋Anna，近兩年幾飽受官司困擾，加上日前剛宣佈第二度離婚，都相當黑仔，但今日佢總算否極泰來，佢被舞台劇製作人控告佢毀約要求賠償一案，拖足兩年半之後終於解決，今日東京地方法院判土屋勝訴。
土屋於2014年曾準備參與舞台劇《發誓~奇跡的歌手》演出，但係後來舞台劇製作人甲斐智陽入稟指土屋喺12次採排中只現身兩次，令舞台劇冇得上演，於是向土屋追討賠償3,000萬日圓（約197萬港元），但土屋方面就話舞台劇劇本一直未得到原作者版權，所以冇可能上演，因此拒絕採排。官司拖足兩年土屋終於勝訴，由於製作人甲斐智陽曾經寫咗一曲《Anna》諷刺土屋，土屋反控佢誹謗，獲賠33萬日圓（約21,700港元）。
贏官司之後土屋話終於鬆一口氣，拖足兩年半好疲累，仲要87歲祖母同佢啲粉絲為佢擔心咗咁耐，好想同大家講句對唔住。對於被作曲唱衰，土屋話音樂唔應該咁用，應該寫多啲和平嘅歌曲。
土屋於2014年曾準備參與舞台劇《發誓~奇跡的歌手》演出，但係後來舞台劇製作人甲斐智陽入稟指土屋喺12次採排中只現身兩次，令舞台劇冇得上演，於是向土屋追討賠償3,000萬日圓（約197萬港元），但土屋方面就話舞台劇劇本一直未得到原作者版權，所以冇可能上演，因此拒絕採排。官司拖足兩年土屋終於勝訴，由於製作人甲斐智陽曾經寫咗一曲《Anna》諷刺土屋，土屋反控佢誹謗，獲賠33萬日圓（約21,700港元）。
贏官司之後土屋話終於鬆一口氣，拖足兩年半好疲累，仲要87歲祖母同佢啲粉絲為佢擔心咗咁耐，好想同大家講句對唔住。對於被作曲唱衰，土屋話音樂唔應該咁用，應該寫多啲和平嘅歌曲。