由柳妍熙發起的音樂比賽，今日在銅鑼灣舉行，美國樂壇殿堂級人物Howard McCrary和煒堅擔任評判，而鄭俊弘、張致恒和李日朗則任表演嘉賓。柳妍熙指自己是歌手，希望在不同的舞台上表演，做自己喜歡的事，她表示認識了一些星級唱歌、跳舞老師，「我會請佢哋嚟香港教，又會同大陸媒體、平台合作，令到我嘅學生有表演機會去實現夢想。」

問到投資是否很大？柳妍熙說：「只係學校一部份，呢個係全方向嘅課程。」至於學費方面，柳妍熙表示最貴一年要幾萬蚊：「而家搵咗Howard McCrary，我都唔係為咗賺錢，係想幫年青人。」問她是否想跟薛家燕開設的藝術中心搶飯碗？柳妍熙說：「唔同，我哋主打係音樂。」

表演嘉賓之一的鄭俊弘，被問到會否擔任導師？他即說：「我冇資格，反而我想去學嘢，唔係挑（機），我想學樂理同結他。」提到他的身型略胖，鄭俊弘指自己近期keep住食奶粉操肌，問到女友何雁詩是否喜歡他大隻？鄭俊弘說：「唔係，因為近排拍完劇多啲時間，主要係自己嘅目標，同埋為咗健康。」

-----------------------------
7月4日起 《蘋果動新聞》只限升級壹會員閱覽
繼續撐蘋果！