【想衝出日本】九州拍旅遊特輯 杜如風着乜去浸溫泉？
蘋果日報 2017/09/02 19:04
杜如風熊本熊
杜如風今日以旅遊達人身份到沙田出席旅行社熊本主題店開幕，佢透露早前到九州兩星期拍攝旅遊特輯：「我都鍾意熊本熊㗎，我介紹溫泉嗰陣，大家都知我唔會露㗎啦，咪着佢嘅睡衣去浸。」佢話原本9月再出發，笑指因為攝製隊太忙，之前又遇上10號風球，滯留咗喺機場兩日：「啲人排隊同我影相，其實我都唔係咁受歡迎，不過啲香港團喺晒嗰度，大家見到我就叫，最後搞到我冇得買手信。」
問佢仲會唔會再拍多幾輯？杜如風話已經答應再拍，但係自己就好想衝出日本：「不過公司次次都拉我返去，我梗係想去歐洲啦，咁多嘢買。」
攝影：陳順禎
杜如風今日以旅遊達人身份到沙田出席旅行社熊本主題店開幕。