南生圍被火燒（新聞連結： http://bit.ly/2DqmRN6 ），多次被網民在當地野生捕的周潤發不時入去跑步影相，佢得知火燒新聞後亦感難過，他稱：「係咪佢哋整肥料？有時啲農民除草都會一把火燒光佢，不過啲花草都好快生番，最緊要人冇事就OK啦！」發哥仲話o依家自己跑山多，好少去南生圍影相，佢話：「以前入去影相，啲草生到好高，行入去都好辛苦㗎！」

至於黃秋生就喺南生圍拍過《放逐》、《復仇》:「嗰度好靚、好原始，係咪濕地呢？總之好靚。香港已經好少呢啲地方，燒咗好可惜，不過大自然復完得好快，回復之後生得仲靚都唔出奇。」林家棟曾入去拍過《黑社會》同《鐵三角》，佢話：「好靚好寧靜，環境好優美，我拍戲時冇咁多人去，後來知道好多人鍾意去郊遊同影婚紗相。要睇下點處理、善後，可以當然係種返啲樹木花草。」

另外，曾到南生圍拍攝《絕世好爸》、《棟篤神探》同《衛斯理》等劇嘅唐文龍回覆傳媒時稱：「見到南生圍燒成咁好難過，香港演員大部份都去過南生圍，嗰度地勢夠平，又有棵大樹，我好多套劇都去取景。我都唔例外，所以見到o依家燒到漆黑一片，好難過，尤其香港自然生態唔係好多，我哋去到唔多，希望夏天或拜山人士小心火種，今次唔清楚火種源頭係乜嘢，借鏡提醒大家去注意山火。」

精選娛聞，喺晒《娛果》
http://fb.com/appledailyent