組合SuperGirls今日到鑽石山，出席有關澳門旅遊的活動，佢哋笑言係近排難得一次齊人出席活動。

成員Heidi被問到好友吳雨霏，最近與前男友洪立熙復合，Heidi表示未有時間搵對方打探消息，之前亦唔知道佢哋復合，但亦戥對方開心。

至於佢會否跟前監製男友復合？佢話：「係朋友，0依家專注事業。」至於身為澳門人嘅Aka則表示，希望約其他成員到澳門親戚嘅家庭聚會，但此言一出，即遭其他成員取笑：「都講咗好耐喎!」