本身有400幾度近視嘅陳凱琳（Grace），日前喺活動中，就透露自己打算去做激光矯視手術。未做手術前，Grace都話有啲擔心手術風險，仲搞到個心囉囉攣，雖然身邊朋友好多都做咗，但自己都考慮咗好耐，最近先的起心肝去做。

事隔兩日，Grace啱啱喺Ig貼咗張相，話自己已經做咗手術，仲留言話手術好成功。不過Grace話由於做完手術，唔可以化妝，亦唔可以經常望電話，所以就暫時放住張舊相俾大家睇住先咁話喎！